Lesblinda.

4.2.2007 | 22:19

Hvor síðan ætli fái fleiri heimsóknir, http://lesblinda.is/ eða http://lesblidna.is/? Æ, var þetta yfir strikið? Það er bara eitthvað svo skemmtilegt við svona grín. Held að uppáhaldsbrandarinn minn sé:

"Have you heard about the dyslexic satanist, who sold his soul to santa?"

Annars fékk ég bendingu um daginn að erfitt væri að setja inn "comment" ef maður er ekki skráður á moggablogg. Held ég hafi lagað stillingarnar svo Davíð ætti að geta látið gamminn geysa - ég er strax farinn að sjá eftir að hafa breytt þessu.

Hvað á maður að segja núna þegar HM er lokið? Kerfið er asnalegt, of margir leikir, of oft stórmót, hinir of stórir og margir og dómararnir ekki á okkar bandi svo maður vitni í Baggalútsmenn. Þjóðverjarnir eru alla vega góðir Heimsmeistarar. Og hver verður næsti þjálfari Íslands? Hef heyrt minnst á Dag Sigurðsson, veit ekki, mér finnst þjálfarar þurfa meiri fjarlægð frá leikmönnum. Ég mæli með Bengt Johanson.

Flokkur: Bloggar | Breytt 5.2.2007 kl. 12:42 | Facebook

Athugasemdir

Hvað um Vals þjálfaran, hann var nokkuð viss um að það væri nokkuð létt verk að taka þennan titil.

Davíð (IP-tala skráð) 5.2.2007 kl. 15:05

A dyslexic walks into a bra...

Árni Björn (IP-tala skráð) 5.2.2007 kl. 16:54

Óskar Valsþjálfari var nokkuð góður, fenginn í settið til að ræða leikinn við Dani en talaði ekki um annað en komandi leik við Þjóðverja - og Árni, svona segir maður ekki.

Stefán Freyr Guðmundsson, 5.2.2007 kl. 18:06

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Stefán Freyr Guðmundsson

Af hverju Eisbär? Einhvern tímann á síðustu öld bjó ég í Þýskalandi, þóttist læra og lék handknattleik meðfram, mér og öðrum til yndisauka. Eins og þróunarkenningin segir fyrir um er einn gárungi hvar sem þrír eða fleiri koma saman. Liðið sem ég lék með setti sig ekki gegn kenningum Darwins og átti einn slíkan - sá hét Mario og átti ættir að rekja til austurhluta Þýskalands. Hann sinnti skyldum sínum af alúð og kostgæfni og gaf mér nafnið Eisbär eftir fyrstu æfinguna. Enginn hreyfði við mótmælum og þar við sat. Vissulega er annar hver Íslendingur sem býr erlendis kallaður ísbjörn á viðkomandi tungumáli - það sagði enginn að gárungar væru frumlegir eða vel að sér í líf- eða landafræði. Ég var bara feginn að vera ekki kallaður Eismann eða eitthvað álíka.