Um höfundinn: Stefán Freyr Guðmundsson

Stefán Freyr Guðmundsson

Nafn: Stefán Freyr Guðmundsson.
Fæðingardagur: 14. desember 1977.
Uppeldisstöð: Hafnarfjörður og lengi vel með lögheimili í Kaplakrika.
Hæð: 178 cm og hækkandi.
Þyngd: Rétt rúmlega 50 kg.
Augnlitur: Blár, hvers lags spurningar eru þetta. Sé ekki að augnlitur, hæð eða þyngd komi málinu eitthvað við. Er þetta svona spurningalisti eins og í bókunum sem stelpurnar voru með í 12 ára bekk?
Helstu kostir: Líklega hógværasti maður í heimi.
Helstu gallar: Sjá svar við 7.
Besta lið í heimi: Sjá svar við 3.
Besta lið á Englandi: Tja, kannski ekki það besta, en ágætt samt - Everton.
Menntun: Stærðfræði.
Vinnustaður: Landsbanki Íslands.
Áhugamál: Íþróttir, bókmenntir, ferðalög, litlir krakkar og heimsfriður.
Mottó: "Það þarf latan mann til að finna upp vinnuhagræði" - eftir minni úr Blikktrommunni eftir G. Grass.
Númer í íþróttum: Sjá númer spurningar.

Ábyrgðarmaður skv. Þjóðskrá: Stefán Freyr Guðmundsson

Höfundur

Stefán Freyr Guðmundsson

Af hverju Eisbär? Einhvern tímann á síðustu öld bjó ég í Þýskalandi, þóttist læra og lék handknattleik meðfram, mér og öðrum til yndisauka. Eins og þróunarkenningin segir fyrir um er einn gárungi hvar sem þrír eða fleiri koma saman. Liðið sem ég lék með setti sig ekki gegn kenningum Darwins og átti einn slíkan - sá hét Mario og átti ættir að rekja til austurhluta Þýskalands. Hann sinnti skyldum sínum af alúð og kostgæfni og gaf mér nafnið Eisbär eftir fyrstu æfinguna. Enginn hreyfði við mótmælum og þar við sat. Vissulega er annar hver Íslendingur sem býr erlendis kallaður ísbjörn á viðkomandi tungumáli - það sagði enginn að gárungar væru frumlegir eða vel að sér í líf- eða landafræði. Ég var bara feginn að vera ekki kallaður Eismann eða eitthvað álíka.